風水輪流轉！近兩年陸續有菲傭「劈炮唔撈」，紛紛外流至加拿大等地打工，有菲傭更不惜補足一個月代通知金，務求即遞信即走。突如其來的請辭，令僱主大傷腦筋，就連僱傭代理亦嘆「依家輪到外傭唔急僱主急啦！」

 「未完約就話要走，對我哋（僱主）真係好冇保障，好似當我哋係踏腳石咁。」黃太一年前聘請外傭，豈料合約未完菲傭便辭職，寧願賠償一個月代通知金也要即時離去，「原來佢喺加拿大搵到工，仲急住過去，好彩我奶奶可以臨時幫手湊BB，如果唔係真係唔知點算。」 

雖然僱主想外傭提早通知好作準備，但大部分菲傭表示，除非與僱主關係很好，否則會留待最後一刻才通知，因擔心預早通知會被僱主提前解約，造成「兩頭唔到岸」。有女傭中心負責人表示，近兩年僱主確實很難聘得完約外傭，「完約菲傭依家會揀工打，可以去加拿大，甚至上網託同鄉搵工，唔再係等人搵。」黃指，加拿大人工高福利好，對在港工作菲傭絕對吸引，香港無可避免成為菲傭的「跳板」。

據了解，加拿大設最低工資，每日只須工作八小時，如加班工作可獲補薪，又可選擇加班與否。即使扣除菲傭需自付的食宿費，每月仍可淨賺七千港元。更吸引的是，菲傭在當地的工作量遠低於香港，部分菲傭在當地甚至不需做家務，只在幼兒園擔當照料小朋友的工作。 

「在加拿大做工，樣樣條件都比香港好，而且做看護工作多元化，不一定只做家務，做幾年更可申請做永久居民。」